Nangiwayat ti naiget nga inspeksyon ti Ilocos Norte Police gapu iti maipagarup a pangta ti bomba iti sakop ti compound ti Provincial Capitol ti Ilocos Norte. Temporaryo a nasuspinde ti trabaho ken naparuar dagiti empleado tapno mangiwayat dagiti police iti inspeksyon iti uneg ken ruar ti kapitolyo gapu iti maipagarup a kaadda ti bomba iti nasao a lugar. Ngem agpapan maisursurat daytoy a damag ket awan met pay ti nasarakan a bomba iti uneg wenno ruar ti kapitolyo probinsial.
Rod Sadian
PGIN