Alabel, Sarangani Province – Daku ang kalipay og pasalamat sa mga sakop sa 3 ka mga asosasyon sa pangisdaan sa Alabel, Sarangani Province human midawat og kinatibuk-ang 15,000 ka ihap sa mga similya sa isdang bangus gikan sa Bureau of Fisheries and Aquatic Resources (BFAR)- Region 12.
Kini ubos sa koordinasyon sa lokal nga kagamhanan ning lungsod pinaagi sa Office of the Municipal Agriculturist (OMA).
Ang maong mga asosasyon gilangkoban sa Deputized Fish Warden Association, Kawas Mariculture Cooperative ug Fish Cage Caretakers.
Mapasalamaton ang Lokal nga Gobyerno sa Alabel ngadto sa BFAR ug sa uban pang ahensya sa gobyerno tungod sa kanunay ug hugot nga suporta sa mga programa ug proyekto alang sa sektor sa agrikultura ug pangisdaan. (Rem Agdon)
(Source: MIO-Alabel)