General Santos City – GITINU-OD gayud ni Gensan City newly Vice Mayor, ATTY. JOSE EDMAR YUMANG ang iyang saad o pamahayag human midaug sa nakalabay’ng eleksiyon nga IPADAPLIN NIINI ANG POLITIKA ug andam matud pa siyang mosuporta sa adminitrasyon ni Gensan City re-elected Mayor LORELIE PACQUIAO bisan magka-atbang ang tagsa-tagsa nila ka partido, tungod ug alang sa kaayohan sa mga katawhang Heneral.
Kana ang gipamatud-an ni VM YUMANG human siya nag-coutesy call o nakigtabo kang MAYOR PACQUIAO kaganinang hapon pipila ka minuto human kini mitake-over isip bag-ong BISE ALKALDE ning s’yudad sa Gensan.
Gisabotan sa duroha ang makahuluganon nga kooperasyon alang sa kauswagan sa dakbayan.
Una nang gisaad ni VM YUMANG nga atol unya sa iyang termino pagka-Bise Alkalde ug Presiding Officer sa 21st Sangguniang Panlungsod (SP) mamahimong hapsay ug malinawon ang relasyon sa Ehekutibo nga pabiling gidumala ni MAYOR PACQUIAO ug ang Lehislatura nga iya karong gidumala sugod kaganinang hapon sa Hunyo 30, 2025.
Kahibalo-an nga mitambong usab ang BAG-ONG BISE MAYOR sa OATH TAKING CEREMONY sa mga bag-ong elected officials sa Gensan ning nakalabay’ng Sabado sa hapon nga gipasi-ugda sa LGU-GENSAN nga gipahigayon sa City Gymnasium nga mapalgan sa Brgy. Lagao, General Santos City.
Gani si kanhi City Administrator ug karon subling nagbalik pagka-Konsehal sa dakbayan, ATTY. FRANKLIN GACAL nagkanayon nga kung ang Sangguniang Panlungsod ug City Mayor’s Office magtinabangay nga walay panaglalis sa politika ang paghatod sa mga batakang serbisyo masiguro sa labing paspas nga paagi.
Mi-ani gayud og pagdayeg sa daghang katawhan ning dakbayan ang gihimo ni VM YUMANG nga makig-kooperar sa buhatan ni MAYOR PACQUIAO sa unang adlaw sa iyang pangatungdanan, bisan managlahi o kanhi sila magka-atbang nga partido.
Photos: CMO