Polomolok South Cotabato – Ang PRO 12 nakapuntos og dakung kalampusan batok sa illegal drug trade human nasikop sa hiniusang operatiba ang tulo ka high-value nga mga tawo ug nasakmit ang gibana-bana nga 250 gramos nga shabu nga mobalor og ₱1,700,000.00 atol sa buy-bust operation mga alas 5:57 sa hapon dili pa lang dugay sa Barangay Glamang, Polomolok, South Cotabato.
Ang malampuson nga anti-illegal drug operation gipangulohan sa Regional Police Drug Enforcement Unit 12 sa koordinasyon sa RIU 12, PDEG SOU 12, Polomolok PNP, ug PDEA 12.
Ang nasikop atol sa operasyon giila nga si alyas “Moks”, 36 anyos, walay trabaho, residente sa Brgy. Lagao, General Santos City; alyas “Boyet”, 52 anyos, drayber, residente sa Brgy. Sinawal, General Santos City; ug alyas “Robot”, 50 anyos, way trabaho, residente sa Brgy. Dadiangas West, General Santos City.
Nakuha gikan sa ilang posisyon ang duha ka medium-sized sachet sa shabu nga motimbang og mga lima ka gramos matag usa nga maoy nagsilbing subject sa pagbaligya; upat ka dagkong sachet sa shabu nga motimbang og 50 gramos matag usa; usa ka dako nga sachet nga may gibug-aton nga 25 gramos; duha ka medium sachet nga may gibug-aton nga lima ka gramo matag usa; ug usa ka medium sachet nga motimbang ug lima ka gramos.
Sa kinatibuk-an, ang nasakmit nga ebidensiya sa drugas adunay kinatibuk-ang gibug-aton nga 250 gramos nga adunay market value nga ₱1,700,000.00.
Nakuha usab ang buy-bust money nga mokabat sa ₱14,000.00, nga naglangkob sa usa ka tinuod nga ₱1,000.00 bill ug trese ka peke nga ₱1,000.00 bills, uban sa usa ka Android phone, assorted wallets, IDs, gibana-bana nga ₱800.00 nga mga alahas, ug mga personal nga mga alahas.
Ang pagmarka ug pag-imbentaryo sa mga nasakmit nga butang gihimo sa presensya sa mga dinakpan nga suspek, HR PNCO, Barangay Glamang SK Chairman, ug media practitioner.
Ang tanang nakumpiska nga ebidensiya giturn-over na alang sa forensic examination, samtang ang mga suspek anaa na sa kustodiya sa Polomolok MPS alang sa pagpasaka sa tukmang kaso.
Si PBGEN ARNOLD P ARDIENTE, Regional Director sa PRO 12, nidayeg sa mga operatiba sa ilang dedikasyon, nga nagpahayag nga kining malampuson nga operasyon usa ka testamento sa walay puas nga kampanya sa kapulisan batok sa ilegal nga drugas. (Rem Agodn)
News&Graphic: RPIO-PRO12