Bisan sa Isla nga Barangay sa dakbayan sa Dapitan, padayon nga gipahigayon sa mga kapulisan sa nasangpit nga Siyudad, ang Programa nga School Visitation, diin ang maong aktibidad, didto gipahigayon sa Aliguay Integrated School sa Barangay Aliguay, sa Dapitan City Zamboanga Del Norte, niadtong nakalabay nga adlaw, Setyembre 17, 2025, sa may alas 9:00 ang takna sa buntag.
Ang nasangpit nga aktibidad, gipangunahan ni Pcpl Jeffrey Uguis, ubos sa superbisyon ni Pltcol. Eva Joy E Capurcos, ang Officer-In-Charge sa Dapitan City Police Station, diin atol sa maong higayon, gipang-apod-apod niini ngadto sa mga estudyante ang mga Information, Education, and Communication (IEC) Material’s, lakip usab nga gihatagan niini ang mga Magtutudlo.
Matud pa, nga tumong usab sa naasoy nga Programa, nga maipadayag niini ngadto sa publiko ang Police Visibility sa nasangpit nga Barangay, aron usab ilang makuha ang suporta sa komonidad, alang sa pagpakiglambigit niini, para sa seguridad sa mga katawhan sa nahisgutang dapit.
Tungod sa mga pagbisita sa maong mga Awtoridad, sa Isla nga Barangay sa Dapitan, gikalipay kini sa mga Magtutungha ug mga Magtutudlo, tungod kay ilang nabatian ang tinud-anay nga tinguha sa maong mga Pnp personel’s, sa paghatag og Seguridad sa mao nilang Lugar, maingon man, alang na usab sa Kahapsay ug Kalinaw sa ilang Barangay.(Julius Esmade)