28.9 C
Manila
Friday, March 29, 2024

City Tourism Office, Gloria’s Fantasyland Complex Nakadawat Sa Safety Seal Certification

- Advertisement -

Human makakompleto sa rekisitos nga gitakda sa DOLE-DOH-DILG-DOT-DTI Joint Memorandum Circular No. 2021-01, ang City Tourism Office midawat sa Safety Seal Certificate.

Si City Tourism Officer Apple Marie Agolong ang gihatagan sa sertipiko timaan sa pagkab-ot sa gitakda nga rekisitos.

Malipayon si Agolong sanglit naghatag usab kini og kasegurohan sa mga personahe sa ilang buhatan ingon man mga kliyente nga nakakab-ot sa maayong pagpahamtang sa pakigbatok sa COVID-19.

Ang inspeksyon gipasi-ugdahan sa Dapitan City DILG Safety Seal Seal Inspection sa pagpangulo ni CLGOO Anabella Jatico, Dapitan PNP ug Dapitan BFP.

Sa pikas nga bahin, gidawat usab sa Gloria’s Fantasyland Complex ang sertipiko isip timaan sa pagkab-ot niini sa rekisitos diin maoy una nga establisamento sa dakbayan nga nakatagbo sa gisangon ilawom sa programa sa Joint Memorandum Circular No 21-01.

Ang City Safety Seal Inspection and Certification Committee gipangulohan usab ni Engr. Roel Galanido sa Licensing and Permits Division.

Ang pagpahigayon sa inspeksyon sa Safety Seal Certification nagprayoridad sa mga dapit nga daghan ang mga tawo diha sa mga establisamento ug mga buhatan sa kagamhanang lokal.

(Source and photo courtesy of CITY INFORMATION DIVISION-CID-DAPITAN Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -