Madugang sa mega vaccination sites ang Gaisano Mall dinhi sa Cagayan de Oro sa dili madugay human gipahigayon ang vaccination simulation kauban ang Department of Health, City Health Insurance Office ug City Health Office niadtong Biyernes, Agosto 20 ning tuig.
Sa pagkakaron aduna nay lima (5) ka mga mega vaccination sites ang syudad nga naglangkob sa SM Uptown, SM Downtown, Limketkai, Robinsons ug ang Ayala Centrio mall nga gidumala sa NMMC/DOH.
Mapasalamaton usab si Mayor Oscar S. Moreno sa hugot nga suporta sa pribadong sector sa COVID-19 vaccination rollout program sa syudad.
Una nang gibutyag ni Mayor Moreno nga magpabilin ang rollout program sa mga mega vaccination sites samtang padayon ang preparasyon sa CDO vaccination team aron masugdan ang Barangay o Cluster sa mga barangay nga vaccination. (City Health Office)
