Gi-andam na sa kagamhanang lokal sa Syudad sa Sugbo ang full operation sa unang tulo ka andana sa bag-ong Cebu City Medical Center.
Si Cebu City Mayor Edgar Labella mitugyan sa maong tahas ngadto kang City Administrator Atty. Floro Casas uban nilang CCMC Administrator Yvonne Cania, Medical Director Dr. Anton Oliver Reposa ug Engr. Lowel Corminal sa Dept. of Engineering and Public Works.
“I am glad that the CCMC officials are cooperating with our City Administrator and the Department of Engineering and Public Works in order to ensure that the process to fully operating CCMC continues,” pamahayag ni Labella.
Naablihan ang Out-Patient Department sa ubos nga bahin sa CCMC niadtong Disyembre 28, 2020.
Gani, matod sa mayor nga nakasugod na kini pag-atiman sa mga pasyente nga nanginahanglan og serbisyong medical.
Ang maong proyekto pipila na ka katuigan nga gisugdan ug daghan nang higayon nga delatar ang pagbukas hinungdan nga naka ani ug lainlaing reaksyon gikan sa mga konstituwente.
(Jhon Tadlip/JTY)
(Source & photo courtesy of Cebu City Public Information Office)