Davao Del Norte – Mukabat sa 53 ka mga residente nga miyembro sa Suop Igangon Farmers Association ug Suop Luy-a Association sa Purok 9-B Barangay Igangon , San Isidro, Davao Del Norte nakadawat ug free range chicken lakip na feeds pinaagi sa Kaagapay Program sa Davao Del Norte Provincial Government.
Miabag ang R-PSB IGANGON nga gipangunahan ni PLT Archel Calamba, 60 IB ug mga personahe gikan sa LGU San Isidro sa pag-apod-apod sa 265 ka mga free range chickens ug kapin sa napulo ka sako nga feeds ngadto sa mga benepisyaryo.
Matag miyembro sa asosasyon nakadawat ug lima ka mga manok ug feeds sa manok. Ang nasangpit nga aktibidad sa paghatag ug ayuda sa mga mag-uuma sa bukid magsibling dugang nilang panginabuhian nga makahatag ug dugangusab nilang income ilabi na niining panahon nga dunay pandemya.
(Source/Photo: RPSB IGANGON)
