Pinag-aaralan na ngayon ng Dept. of Transportation (DOTr) ang paglulunsad ng floating quarantine hospitals.
Ito ay sa gitna ng pag taas ng kaso ng coronavirus disease 2019 (COVID-19) sa bansa at kakulangan ng mga pasilidad para maihawalay ang mga pasyenteng nag positibo sa virus.
Ayon kay Transportation Sec. Arthur Tugade, nakikipag-ugnayan na ang DOTr sa mga private ship owners at operators para makapaglunsad ng floating quarantine hospitals sa bansa.
Sinabi ni Tugade, nakatakda rin silang mag pulong sa DOTr upang maipatupad ang nasabing hakbang.
Matatandaang nakasaad sa section 4 ng bayanihan to heal as one act na may kapangyarihan si Pang. Rodrigo Duterte na atasan ang mga may ari ng privately-owned passenger vessels na ipagamit ang mga ito para gawing temporary medical facilities.