Cebu City – Imbes kalipay ang mo sugat sa bag-ong gikasal, Miyerkules, September 22, 2021, apan hilak ug dangoyngoy sa kalagot ug ka uwaw ang gipabuhagay sa bride.
Kini homan masayri nga na scam o wala mo tuman sa ilang sabot o kontrata ang event planner/wedding coordinator.
Giila ang wedding coordinator nga usa ka Nasser Fuentes.
Pagka human sa seremonyas ug pag abot na sa reception sa bag-ong kasal sa magtiayon nga si Arniel Purissima ug Cherry Pie Purissima uban sa mga pamilya ug guests, way gi-andam nga bangkete alang sa ilang pagkaon.
Gani, sirado sab ang reception place kay matod pa sa management walay naka book nga event adtong higayona.
Gipahigayon ang wedding ceremony sa simbahan sa Minglanilla ug human niana, mipadung na sila sa reception sa Kiaras Catering and Events sa Barangay Labangon, Syudad sa Sugbo.
“Kana bitaw happy na kaau ta kay tapos na ang ceremony then pakals na pero pag abot sa venue kay scam kay walay handa, wala tanan .Sila ang couple (Arniel & Cherry Pie) nga na scam ni Mr Naser Fuentes. I hope ma settle ni ang tanan including us suppliers,” mensahi ni Tonskie Elsisura, ang photo/videographer sa maong wedding event.
Sa Facebook post, giingong mi anha pa si Fuentes atol sa pagpangandam sa kasal apan pagka udto, wa nay presensya sa coordinator ug dili na ma contact.
Matod pa nga fully paid na ang coordinator.
Gi-installment pag bayad ni Cherry Pie ug ni Arniel ang ilang bayranan sa coordinator.
Unang mitonol ang kaslonon kaniadto og ₱ 5,000 nga down payment pagka Hunyo., laing bayad nga ₱ 15,000 ug ₱ 30,000.
Niadtong September 21, 2021, fully paid na ang bayronon nga 65,000 pesos.
Usa sa mga suppliers nga si Tonskie mi-angkon nga apil silang mga suppliers nga wala pa mabayri nga naglakip sa video/photographer, make-up artist, bridal car lakip na sab ang catering service.
(Source, video & photo courtesy of Tonskie Elsisura)