Padayon nga nag-monitor ang lokal nga kagamhanan sa mga establisemento aron pagsiguro nga mipatuman kini sa Higala App QR Code system nga gitakdang mag-full implementation karong Mayo 5.
Malls, restaurants, groceries, banks, pharmacies ug uban pang establisemento nga sarang gidagsa sa katawhan gihatagan og prayoridad sa monitoring and inspection diin gihatagan usab sa syudad og technical assistance ang wala pa mipatuman niini.
Kahinumduman nga gilugwayan ang dry run period sa Higala App taman Mayo 4 aron matagaan sa igong panahon nga makapangandam ang mga negosyante sa maong rekisito sa dakbayan alayon sa hugot nga pagpatuman sa minimum public health standards.
Gilangkuban sa mga empleyado sa nagdakaiyang buhatan sa City Hall ang gi-deploy nga monitoring team sama sa City Tourism Office, City Information Office, Trade and Investment Promotions Office, City Administrator’s Office, City Legal Office, CLENRO ug uban pa. (SPP)