Nagisa sa pagdinig ng senado si Bureau of Corrections (BuCor) Dir. General Nicanor Faeldon kaugnay ng kuwestiyunableng pagpapatupad ng Good Conduct Time Allowance (GCTA).
Dinikdik at isinalang sa mga pagtatanong ng mga senador si Faeldon sa muntik nang paglaya ng convicted rapist at murderer na si dating Caluan Mayor Antonio Sanchez.
Sa pagdinig ng senate committee on justice at Blue Ribbon Committee na kapwa pinamumunuan ni Senator Richard Gordon, nagisa nang husto si Faeldon kung saan kinatwiran nitong naabutan na lamang niya ang GCTA sa BuCor at hindi niya tinitignan ang kaso ng mga preso.
Does not exclude any convict of any crime that’s why in their computation upon conviction, all convicted of any crime when they behave well in jail they’re granted conduct time allowance for studying, teaching, mentoring and there’s also a stand on special time allowance for loyalty but what is very clear with him is that application of GCTA was never changed since 2004 up to this day,” ani Faeldon.
Gayunman, nanindigan naman si Justice Sec. Menardo Guevarra na hindi kuwalipikado sa GCTA ang mga inmate na sangkot sa mga karumal dumal na krimen.
The information on preventive imprisonment there was a line inserted that says, the habitual delinquent, escapists, recidivists, and those charged with heinous crime are not covered by the provision of this act,” ani Guevarra.
Samantala, muli namang ipagpapatuloy ng senado ang pagdinig sa naturang isyu ngayong araw.