Cebu City – Gitun-an karon sa lokal nga kagamhanan sa Syudad sa Lapu-Lapu kung pila ang mahimong environmental fees aron ma maintain ang kalimpyo sa baybayon sa gamayng isla sa Caohagan.
Hinoon, i balanse sab kini aron affordable sa tanan.
Subsub nga gi promote karon sa syudad sa Lapu-Lapu isip tourist destination ma local man o langyaw mao ang Sandbar sa Caohagan, nga dunay white sand beaches, blue crystal water ug daghan kaayong lab-as nga seafoods.
Gi-imbita ni Lapu-Lapu City Mayor Junard “Ahong” Chan nga mo bisita sa Caohagan Island nga nahimutang sa maong dakbayan, nga sa pagka karon free pa ang entrance fee.
Kahinumduman nga si miagi dunay bayranan nga tag ₱ 200 nga entrance fee kada usa sa mga dagko ug tag ₱ 100 sa 12 years old paubos.
Dugang pa niini ang bayronon sa corkage.
“Gitun-an nato pag ayo, dunay gi-create nga ordinansa…unsaon nato pagpa-ubos ang bayronon para ang tanan dunay kahigayonan nga makasuroy diri sa isla sa Caohagan,” matod ni Mayor Chan.
Gibutyag ni Chan nga ang maong lugar dunay marine sanctuary ug nagbanig ang mga corals basi sa gisulti sa mga divers.
“Try to visit and explore CAOHAGAN ISLAND one of the best islets in Olango,” mensahi ni Mayor Chan.
Gihulagway niya kini nga usa mga best diving spots sa Lapu-Lapu City.
Ang Caohagan maoy labing gamay nga isla sa syudad sa tulo ka islets sa Olango-gi konsidera nga one of the best beaches in the City ug one of the best marine sanctuaries.
Pwede manukad sa Marigondon Beach/Wharf tabok sa Caohagan ug mahimo sab sa Angasil o sa Hilton Wharf sakay sa pumpboat. (Jhon Tadlip/JTY)
(Source: Junard “Ahong’ Chan)