Cebu City – Giagni sa kadagkoan sa dakbayan sa Sugbo ang mga mamumuo ug mga kompaniya nga hugot motuman sa minimum health standards taliwa sa nakitang outbreakās dynamics sa mga tinugyanan sa panglawas.
Sa usa ka opisyal nga pamahayag nga giluwatan sa gahapon, ang pangu sa EOC o Emergency Operations Center, Konsehal Joel Garganera, mikompirmar sa findings sa City Health Office nga ang workplace-to-household transmission ang sagad manghitabo karong panahona.
Sumala pa ni Garganera, basi sa nahipos nga data saĀ contact tracing team, ug sa interpretation sa CHO sa miaging mga semana, ang trend sa tinubdan sa impeksyon nahimo nang mas dayag.
Matod sa konsehal, sukad gipaus-osan ang status ngadto sa GCQ o general community quarantine, ang workplace to household transmission mao nay mitumaw nga sistema sa pagpanakod sa virus.
Nunot niini, giawhag ni Garganera ang kooperasyon sa mga kawani ug agalon sa pagseguro nga mapugngan ang virus sa trabahoan.
Gipasupot sa EOC czar ang maong pamahayag human makatala ang CHO og 39 ka bag-ong kaso sa COVID-19 niadtong AgostoĀ 21.
15 sa maong gidaghanon ang close contacts ug kabanay sa unang mga masakiton nga nagtrabaho lainlaing kompaniya sa siyudad. (Jhon Tadlip/ JTY)
(Source: Cebu City Public Information Office)