Cebu City – Gitugpo na usab ang Sugbo isip leading tourism destination sa Asya.
Ang island province makig-indig sa Bali, Indonesia; Ko Samu, Thailand; ug sa Langkawi, Malaysia para sa pagka Asia’s Leading Wedding Destination for 2020 sa ika-27 nga WTA o World Travel Awards.
Ang WTA, nga usa ka international award-giving body ug moila sa best of travel ang tourism, milista na sa mga nominado sa kompetisyon karong tuiga.
Sa talaan sa WTA, ang Cebu gituboy isip Asia’s leading wedding destination, samtang ang Intramuros Walled City, Manila gi-nominate isip Asia’s leading tourist attraction.
Ang DOT o Department of Tourism naapil usab sa listahan sa mga nominado sa Asia’s leading tourist board category.
Ang ubang kategoriya nga naapilan sa Pilipinas isip nominee sa WTA sa Asya mao ang Leading Boutique Beach Resort, Leading Boutique Resort, Leading Business Hotel, Leading Casino Resort, Leading Fully Integrated Resort, Leading Family Villa Resort, Leading Private Island Resort, Leading Hotel Residences, Leading Retreat, ug Leading Serviced Apartments.
Subay niini, giawhag sa DOT ang mga Pinoy nga mobotar sa WTA 2020 aron pagseguro nga ang tourism destinations sa nasod makalangkat sa takos nga pasidungog. (Jhon Tadlip/JTY)
(Source: Cebu Provincial Government)