Sukwahi sa general guidelines sa National-IATF, gitakda karon sa General Santos City government sa 18-65 years old ang “age range” sa mga tugutang makagawas sa mga panimalay, taliwala sa padayong bahad sa Covid-19.
Sa gipagawas nga Executive Order No. 52 (series of 2020) ni GenSan City Mayor Ronnel Rivera, nagpahimangno ang LGU nga bugtong ang mga residente nga anaa sa maong pangidaron lamang ang exempted sa “stay at home policy”, gumikan sa nagpabiling taas nga risgo sa coronavirus disease 2019 infections sa siyudad.
Hinuon, gipaklaro sa Section 2 sa maong EO, nga ginatugutan ang paggawas sa mga residente kung importante ang mga katuyuan, hilabi na sa mga essential workers.
Kahibaluan nga subay sa naunang anunsyo ni National-IATF spokesperson Harry Roque, giaprubahan na ang Resolution No. 79, asa mas gipaluagan ang “age range” nga exempted sa quarantine restrictions.
Sa maong National-IATF Resolution, puwede nang makagawas ang anaa sa 15-65 years old ang pangidaron. (Leo Marten Cellan)
