Cebu City – Gitapos na ni Environment Secretary Roy Cimatu gahapon ang duha ka buwan niyang pagpabilin sa dakbayan sa Sugbo para pagtan-aw sa coronavirus response sa gobyerno.
Atol sa press conference, gipahibawo ni Cimatu nga gitakda siyang moabot sa Bacolod City karong adlawa.
Apan sa bisperas sa iyang paglarga, gipahalipayan ni Cimatu ang mga Sugboanon pagda sa outbreak sa coronavirus disease o COVID-19 ngadto sa manageable levels.
Wala malilong kang Cimatu ang pagdailos sa mga kaso sa siyudad tungod sa kadaghan sa mga naulian.
Gihimug-atan sa chief implementer sa regional IATF o Inter-Agency Task Force for the Management of Emerging Infectious Diseases nga ang pagtinabangay sa local nga mga opisyal ug sa pribadong indibiduwal dakong factor sa kalamposan sa dakbayan pag-flatten sa curve.
Gipatugbaw usab sa kalihim ang kahinungdanon sa pagtinabangay diha pa lang sa barangay level.
Alang niya, ang kalamposan sa pagpugong sa virus anaa sa barangay ug kon ang mga opisyal sa barangay adunay kaisog, segurong mosunod ang mga mulupyo.
Nasayran nga si Cimatu, uban sa deputy chief implementer nga si ret. Major Gen. Melquiades Feliciano mobiya sa Sugbo aron pagtabang na pod sa gubat sa Covid 19 sa Bacolod City ug sa Iloilo City. (Jhon Tadlip/ JTY)
(Source: IATF Regional)