Pagadian City – Usa na Usab ka sunog ang miulbo ning Dakbayan sa Pagadian kagahapon, March 24 2021, alas 5:00 sa hapon. ang insedente nahitbo sa may F.S Pajares Street Barangay Gatas ning syudad, partikular sa JABINES COPY CENTER.
Ang City Disaster Risk Reduction Management Office Head nga si Richard Fabria nagkanayon, nga dali ra usab kini na respondehan sa mga kawani sa Bureau of Fire Protection kon BFP.
Dugang pa niini nga wala na mikuyanap pa ang maong sunog sa mga tapad niini nga establisemento tungod tag-as usab ang mga tapad niini nga mga building kon asa na tung-an kini sa Victor Bazar ug Pacifica Trading.
Gideklarar sa mga kawani sa BFP nga Fire Control 30 minutos gikan sa pagkasunog sa maong Copy Center. Gibutyag sa Tag-iya nga si Alvin Cañete ug Kapikas nga si Jabines nga katingad-an tungod sulod sa pila ka tuig nga ilang ginabuhat homan ilang palungon ang plangka sa maong establisemento kong manguli na kini karun pa nahitabo nga nasunog kini.
Sa pagkakaron padayun pa ang imbestigasyon sa mga kawani sa BFP aron mahibaluan ang hinungdan sa maong sunog, nasayran nga walay natalang casualty sa maong panghitabo. (Wendel Cabrera)
