Gipasidunggan ni Governor Bambi Emano si Alfonso L. Jamaca, Jr., dungan sa ika-36 nga virtual nga pagpakayab sa nasudnong bandila sa miaging adlaw ning tuiga.
Gihatagan kini og Plaque of Appreciation ug Financial Assistance nga gitunol mismo ni Governor Bambi agi og dakong pasalamat sa 41 ka tuig nga kadugayon sa pagserbisyo niini sa katawhan sa lalawigan isip maintenance supervisor sa Misamis Oriental Integrated Sports Complex sugod pa niadtong Hulyo 1977 ngadto sa bulan sa Oktubre ning tuig.
Sa iyang bahin mapasalamaton kini sa amahan sa lalawigan tungod sa iyang makanunayon nga pagsuporta sa iyang mga panginahanglan.
“Dako kaayo akong pagyukbo sa atong Gobernador, dako gyud kaayo. Naa koy problema pinansyal, di gyud ko niya balibaran. So Gob, daghang salamat, daghan kaayong salamat.” Pagpaabot niini.
Nanghinaot si Governor Bambi nga unta dawaton ni Mr. Jamaca ang iyang sugyot nga mahimong Consultant tungod sa dako nga natabang niini sa pagmintinar sa kalimpyo sa pasilidad sa Sports Complex.
“If not for him our Olympic size swimming pool would not have been properly and would not have gone a long time. I hope that he will accept to be a consultant of the Provincial Government because even if he’s retired I know even if he’s not yet tired and we really need the services of Manong Jun to maintain the facilities in the Misamis Oriental Integrated Sports Complex.” Matud sa Gobernador.
Gumikan sa gipakita niini nga tinouray nga pagserbisyo sa katawhan sa lalawigan sulod sa 41 ka tuig kon asa iyang tibouk kinabuhi gihatag sa Kapitolyo alang kang Governor Bambi nga angayan kining pasidungan kay susama kaniya nagpakita kini sa maayong ehemplo nga angay sundon sa tanan empleyado.
(Public Information Office)