Nangiwayat ni City Mayor Michael Marcos Keon iti 1st MMK Cup – Shoot for a Cause idi Disyembre 19-20 iddiay Marcos Combat Shooting Range iti barangay Suba, Paoay, Ilocos Norte.
Gagem daytoy, ket iti pannakaiwayat ti fundraising event a no sadinno dagiti kuarta a maukkon ket mausar a kas pananggatang iti school supplies para kadagiti nakurapay nga estudyante iti nasao a siudad.
Basar iti mayor, bayat iti umuna nga aldaw ti nasao nga aktibidad, naisayangkat ti maisa a Range Officer’s Night a no sadinno napasamak iti panaguummong ken raffle draw manipud kadagiti range officers.
Ti nasao nga aktibidad ket pinartisiparanda Ilocos Norte 2nd District Congressman Angelo Marcos Barba, Councilor Handy Lao, Ryan and Ana Remigio, Albert Casas, Michael Luis ken daddumapay.
Kabayatanna, nagyaman garud ni Mayor Keon kadagiti practical shooters a nakipagpaset iti nasao a fundraising event, nangnagruna kenni Vice Governor Cecilia Araneta Marcos, Councilor Rbee Ablan pakairamanan dagiti naggapu iti sabali nga ili, benefactors ken sponsors ti nadakamat nga aktibidad. (Alyssa Pagdilao, RPN DZRL Batac – Correspondent)
(Source: LGU Laoag City)