- Advertisement -
Nakapili na ang Pangulong Rodrigo Duterte ng bagong Armed Forces of the Philippines (AFP) Chief of Staff.
Ayon kay Defense Secretary Delfin Lorenzana, Si Lt. Gen. Noel Clement ang magiging kapalit ni General Benjamin Madrigal Jr. na nakatakdang magretiro sa susunod na linggo.
Sinabi ni Lorenzana na Hinihintay na lamang nila ang iba pang dokumento mula sa palasyo para sa formal appointment ni Clement.
Si Clement ay pinuno ng Central Command (CentCom) na naka base sa Cebu bago ang kaniyang appointment bilang pinuno ng AFP.
Ang bagong AFP Chief na mula sa Sandiwa class of 1985 ng PMA ay isa sa mga opisyal ng militar na isinangkot sa pagkawala ng aktibistang si Jonas Burgos nuong 2007 subalit naabsuwelto rin.
- Advertisement -
