Duterte idineklarang National Campus Press Freedom Day ang July 25

Nilagdaan ni Pangulong Rodrigo Duterte ang batas na nagdedeklara sa July 25 bilang taunang National Campus Press Freedom Day.

Batay sa inilabas na kopya ng Malakanyang, nilagdaan ni Pangulong Duterte ang Republic Act No. 11440 noon pang Agosto 28.

Nakasaad sa nabanggit na batas na kabilang sa polisiya ng pamahaalan ang isulong, protektahan at pangalagaan ang freedom of the press and expression na ginagarantiyahan ng konstitusyon.

Itinuturing din anilang isang mahalagang institusyon ang campus press para sa pagpo-promote at pagbibigay proteksyon sa freedom of the press and expression.