Sa pagtak-op sa bulan sa Agosto, mikabat na sa 292,507 ang total vaccines administered sa CDOCOVID-19 vaccination team sukad gisugdan ang vaccine rollout program niadtong Marso, sigon sa report sa City Health Insurance Office – Data Management Team, Agosto 30, ning tuig.
Sa maong ihap, 198,724 ang mga first dose vaccinees ug 93,783 ang nakakompleto na sa ikaduhang doses.
Sa miaging adlaw, pabiling abli ang mega vaccination sites nga gidumala sa syudad diha sa SM downtown, Robinsons ug Limketkai, samtang sa barangay vaccination abli usab sa Bulua National High School ug Cugman Elementary School.
Subay sa prioritization guidelines sa Department of Health, ang rollout program anaa sa mga sakop sa A1, A2, A3, A4 ug A5.
Padayong gadawat ang mga vaccination sites sa mga mag walk-in senior citizens nga first dose vaccinees ug sa mga sakop sa indigent families o miyembro sa Pantawid Pamilya Pilipino Program, Unconditional Cash Transfer ug Social Amelioration Program sa DSWD.
(Source: CIO)
