Naisayangkat ti Virtual Turnover ceremony kadagiti inted a donasion ti Peoples Republic of China iti gobierno probinsial ti Ilocos Norte.
Daytoy ket iti panangidaulo da Gob. Mathew Marcos Manotoc iti provincial Government of llocos Norte ken Chinese Ambassador Huang Xilian ken Chinese consulate iti Laoag City Zhou You Bin.
Presente ken inimatangan met da Public Health Consultant Dr. Rogelio Balbag, ken dagiti mangidadaulo kadagiti nagduduma a District Hospitals ditoy Ilocos Norte da Dr. Rolando Andres, OIC ti Dingras District Hospital Dr. Alvino Alcusina, OIC iti Bangui District hospital ken ni Dr. Walbert Samonte, OIC head iti Gov. Roque Ablan Senior Memorial Hospital.
Dagiti inted a donasion ti China ket medical equipment ken supplies nga agpateg amin iti 3.86 milyon a pisos.
Maibilangan ditoy dagiti PPEs wenno Personal Protective Equipment, oxygen tank ken dadduma pay a supplies iti ospital ken para kadagiti frontliners.
Kangrunaan a gagem dagiti inted a donasion ti Peoples Republic of China iti probinsia ket tapno makatulong ken mangalay ay iti agdanma a mapaspasaran a krisis gubbuay ti 2019 novel corona virus disease.
