Cebu City – Gitakdang ipaubos sa imbestigasyon sa CPPO o Cebu Police Provincial Office ang duha ka polis nga miapil sa tigbakay apan nakaipsot atol sa ronda sa mga sakop sa PIU o Provincial Intelligence Unit sabukirang bahin sa lungsod sa Liloan sa miaging adlaw.
Susihon usab sa PIU ang taho nga ang duha ka polis ang nagpasiugda mismo sa tigbakay.
Una niini, nakadawat og impormasyon ang kapolisan sa probinsya labot sa tigbaka ysa Purok Caimito, Brgy. Lataban hinungdang gilusad ang pagpangronda.
Apan pag-abot sa mga awtoridad nagkatibuwaag pagpanagan ang mga sugarol, gani, ang uban nangahug pa sa pangpang.
11 ra ang nadakpan sa operation sa PIU pinangulohan ni Lt. Col. Randy Korret nianang mga alas 2:45 sa hapon.
Nailhan ang mga dinakpan nga sila si Kurt Russel Gemina, Anthony Laygan, Alvin Noval, Kevin Tagalog, Allan Noval, Jonas Tanjay, Rogelio Bohol, Jomar Pitogo, Mario Dayday, El Nino Pando ug Wilfredo Maglasang.
Apan ang duha ka polis nga giingong nakalighot nailhan na nila ni Korret.
Segurong mag-atubang ang duha og kasong kriminal ug administratiba.
(Jhon Tadlip/JTY, photo courtesy of Backyard Breeder FB/file photo)
(Source: Cebu Police Provincial Office)