Cebu City – Giangkon sa mga opisyal sa panglawas nga manageable pa ang gidaghanon sa mga kaso sa coronavirus sa Metro Cebu bisag nagsaka ang dagan niini.
Suma pa ni Director Jaime Bernadas sa Department of Health o DOH 7, tinuod nga mitungas ang ihap sa mga gitakboyan apan dili kini angayng kabalak-an ‘kaya’ ra samga LGUs ug sa barangay ang pag-atiman ug aktibo usab sila sa surveillance.
Ug samtang nagpabilin sa manageable level ang gamayng pagsulbong sa mga kaso sa virus, gitambagan ni Bernadas ang mga Sugboanon nga mangandam ug tun-an ang pagsagop sa bag-ong normal nga matang pagpuyo para paglikay sa laing pagkatap ug laing mas estrikto nga quarantine measures.
Atubangan sa mga reporter, gipadayag ni Bernadas nga mag-anad-anad ang tanan sa pagpuyo uban sa virus ug dili lang magsalig sa subsidy sa gobyerno.
Sa sayo pa, ang anti-coronavirus task force ug IATF o Inter-Agency Task Force sa gobyerno mipasupot sa plano pag-umol og bag-ong community quarantine classification nga pagatawgonog ‘new normal’. (Jhon Tadlip/JTY, photo courtesy of Joyfull | Mstime)
(Source: Department of Health 7)
