Cebu City – Gipasunog sa Bureau of Fisheries & Aquatic Resources o BFAR 7 ang duha ka kahon sa giingong imported nga mga isda gikan sa China nga walay dokumento sa importasyon ug local transport permit.
Ang BFAR 7 pinaagi sa FIQS o Fishery Inspection Quarantine Service midispatsar sa imported nga mga isda sa buhatan sa ahensiya sa pier area, Cebu City.
Base sa post sa BFAR sa Facebook, ang duha ka kahon sa isda nahiabot sa Mactan-Cebu International Airport niadtong Nob. 15 pinaagi sa connecting flight sa Clark International Airport sa Pampanga.
Ang mga fishery products, nga motimbang og 53 ka kilo, giabandonar ug na-intercept sa team sa FIQS ug sa BAI o Bureau of Animal Industry niadtong Domingo sa hapon.
Ang  procedures sa fisheries quarantine sa tugpahanan gikinahanglan aron kalikayan ang pagsud sa posibleng mga sakit sa isda ug ubang produkto sa dagat sa nasod.
(Jhon Tadlip/JTY )
(Source & Photo courtesy of BFAR 7)
