DILI lang kay usa apan duha na ka barangay sa siyudad sa Panabo ang naapektohan sa African Swine Fever o ASF.
Tungod niini gidasig sa city government ang tanang nagbuhi og baboy o mga hog raisers nga mag-early reporting kung adunay makit-ang simtomas sa maong sakit sa ilang mga binuhing baboy.
“Early reporting is the key para dili magka out-break,” mao kini ang gibutyag ni Panabo City Veterinarian Dr. John Ray Bautista human sa culling o depopulate sa 222 ka baboy sa barangay Cagangohan.
Gitug-an pod ni Bautista nga gawas sa Cagangohan adunay parte sab sa barangay New Pandan ang apektado na sab sa ASF.
Dugang ni Bautista nga miabot sa 59 ka mga hog raisers ang nawad-an og panginabuhian tungod sa ASF.
“Naay nagkapaon og lamaw human nag spread.
Naay nag-ihaw ug gidala ang baboy sa laing lugar. Ang Dugo nagkalat og nadala sa tsinelas sa tao,” ingon ni Dr. Bautista.
Matud pa sa doktor adunay ang mga baboy nga adunay ASF makabati og kaluyahon, kalibanga, hilanat, pantal-pantal sa panit (purple o blue), ug magsuka og dugo.
Gisaysay sab ni Bautista nga sa dihang mataptan og ASF ang usa ka baboy adunay 2 ngadto sa 10 kaadlaw na lamang ang kinabuhi niini.
“Base sa ubang reports, adunay mga mi ihaw sa baboy tungod kamatyonon na kini og gibaligya. Naa sad reports nga nagagamit og Artificial Insemination. Ang uban nag inject sa baboy nga nay ASF tapos igamit usab ang needle sa laing baboy.
Nahimong delikado kini sa mga hograisers nga dili naga sunod sa biosecurity sama sa pagbutang og footbath ug pag-iwas sa pagkaon nga lamaw,” dugang sa doktor.
Giawhag niini ang mga hog raisers nga dili gayod magtago tago kung adunay makit-ang mga senyales o simtomas sa sakit sa ilang mga baboy aron nga dili na kini mokatag pa.
“Iwas sad sa pagpakaon kanila og lamaw,” dugang sa doktor.
Ang 59 ka hograisers sa Ca gangohan makadawat og assistance gikan sa Provincial Government og Davao Del Norte, City Government of Panabo, ug sa Department of Agriculture.
P a h i m a n g n o sad ni City Mayor Jose E.Relampagos nga “mosunod lang ang mga hograis ers sa gobyerno ug dili mabalaka kay adunay programa nga ipaabot alang kanila.”
Samtang gisugyot pod ni Bautista sa mga opisyales sa barangay Cagangohan nga dili una ang pagbuhi og baboy sulod sa usa ka tuig.
Giawgag sab sa city government ang mga nagbuhi og mga baboy nga mopahibalo gilayon sa awtoridad pinaagi sa Vet Hotline (0920) 468 4561 kung adunay makit-ang simtomas sa ASF. Panabo City Information Office