Cebu City – Gisuspenso og duha ka buwan ang duha ka barangay kapitan sa dakbayan sa Mandaue tungod sa kahiwian sa pagpanghatag sa hinabang sa SAP o social amelioration program sa gobyerno.
Ang gisuspenso sa Ombudsman mao sila si Kapitan Patricio Soco sa brgy.Alang-Alang ug Ignacio Cortes, II sabrgy. Centro.
Si Kenneth Kilat, director sa Department of Interior and Local Government o DILG Mandaue, mikompirmar sa nadawat nga suspension order sa duha ka amahan sa barangay.
Suma pa ni Kilat, ang 60 ka adlaw nga suspension nila ni Soco ug Cortes nagsugod gahapon.
Matod niya, gihimo kini sa Ombudsman aron dili maimpluwensiyahan o malawgaw ang imbestigasyon.
Agig reaksyon, si Kapitan Cortes miangkon nga nakalitan siya pagkadawat sa order.
Matod ni Cortes, ang tanang kasong criminal nga gisang-at sa CIDG o Criminal Investigation and Detection Group batok niya pulos nabasura.
Sa nasayran, gipasiugdahan sa kagamhanan ang SAP pinaagi sa DSWD aron matabangan ang mga pamilya nga apektado sa pandemic.
(Jhon Tadlip/JTY, photo courtesy by Mandaue City Provincial Information Office)
(Source: Mandaue City DILG)