Hayan makatagamtam og dugang kalamboan ang mga mag-uuma dinhi sa dakbayan sa Cagayan de Oro.
Kini human paborableng girekomendar sa committee of the whole nga gidumala ni konsehal Edna Dahino ang pag-aprobar sa kapin ₱ 70.4 milyones nga pundo alang sa tuig 2021 sa buhatan sa City Agricultural Productivity (APO).
Sa maong gahin, kapin sa P28.2 milyones ang gitagana alang sa pagpatuman sa proyekto pag-upgrade/pagsemento sa Farm to Market Road, Coastal Resource Management, Farmer’s Market sa City Hall, Techno Demo on Dairy Production & Processing Livelihood Project Level IV, Irrigation Development Project, Establishment of Learning Site, Demo Farm and Research Development Program, Agricultural Infra, Post-Harvest & Mechanization Program, Sweet Potato Production Project, Techno, Demo on Turmeric Production, Community Vegetable Production Project, Community Development Program, Fishery Regulatory Services Program, Fishery Research & Extension Program, Hybrid Rice, Fiesta sa Kaumahan, LGU Counterpart sa AFC Project Operations, Farm Tractor Services & Maintenance, Hybrid Corn, ARC Project Assistance, Farm Youth Development Program, Rural Women Management Entrepreneurial Development Project, Farmers Field School, Livelihood Enhancement for Small Farmers, Logistics Support for Agricultural Cooperative, Adlay Production ug Good Agricultural Practices (GAP) Certification Program.
Lakip usab sa gipundohan ang pagpatuman sa mga bag-ong proyekto nga naglakip sa Sustainable Corn Production in Sloping areas, Establishment of Rice Seed Production, Rehabilitation of Banana & Cacao Production areas, Free Range Chicken production sa tingoha mapalapad ang itunol nga serbisyo alang sa mga mag-uuma.
Si acting city agriculturist Paul Douglas Calingin mipasabot nga gikinahanglan gyud nga adunay madestino nga technician sa matag barangay nga eksperto sa mga kalihokang pang-agrikultura aron mahatag ang daling solusyon sa problema ug tukmang impormasyon sa pag-uma.
Tumong niini nga makaangkon ang mga mag-uuma sa dakong kaugmaran.
Ang gipahigayong budget hearing gitambongan nila ni konsehal Jay Pascual, George Goking, Suzette Magtajas-Daba, Roger Abaday, John Michael Seno, Lordan Suan, Malou Gaane ug Jocelyn Rodriguez uban sa hepe sa lain laing departamento sa City Hall.
(Sangguniang Panlungsod – CdeO)