Dugang mga proyekto alang sa mga Dipolognon ang natapos

0
0

Duyog sa tinguha sa kagamhanang lokal sa Dipolog pagpanguna ni City Mayor Darel Dexter T. Uy nga kahatagan pa sa dugang mga proyekto ang mga katawhang Dipolognon, laing  napulo (10) na usab ka mga proyekto ang natapos bag-ohay pa lang.

Kining maong kalamboan ang gipalig-on pinaagi sa Monthly Project Status Report nga gisubmiter sa buhatan sa City Engineering ngadto sa buhatan sa Mayor, ning siyudad, pinetsahan og Enero 11, karong tuiga.

Sigun sa makita gikan sa maong report, nga ang nahisgotang mga proyekto ang gilangkoban sa mga mosunodban:

1) pagkonkreto sa motorpool complex inubanan sa Drainage canal, didto sa Barangay Minaog, nga gipahatan og kapin sa 8 milyones ka pesos nga natapos niadtong nakalabay nga Disyembre 29, 2022,

2) pagkonkreto sa dalan sa Purok Dela Paz sa Barangay Sicayab nga gipondohan sa 550 mil ka pesos ug natapos niadtong Disyembre 1, 2022,

3) pagkonkreto sa dalan sa Purok Daisy extension sa susamang barangay nga natapos niadtong Disyembre 15, 2022 sa pondo usab nga kapin sa milyon ka pesos,

4) pagkomponi sa pipila ka mga konkretong dalan sa pipila ka managlahing barangay ning siyudad nga natapos niadtong Disyembre 2, 2022 sa pahat nga 2 milyones ka pesos,

5) pagtukod sa Perimeter Fence sa Tubod Intergated School (phase I) nga natapos usab niadong Disyembre 12, 2022 sa pahat nga tres sientos baynte (320) mil ka pesos kansang pondo ang gipahat gikan sa Special Education Fund (SEF),

6) pagtukod og comfort room didto sa 7th station (phase II) sa Linabo Peak ug laing pang upat niini.

Samtang nagapadayon gihapon sa paghimo og dugang pang mga proyekto ang dakbayan ilawom sa liderato ni City Mayor Darel Dexter T. Uy, aron dugang mapahimuslan sa mga katawhan ning atong dakbayan.

Source: Dipolog City Government Facebook page

LEAVE A REPLY

Please enter your comment!
Please enter your name here