Cebu City – Isip response sa sitwasyon sa labot sa Covid-19 pandemya sa Lalawigan sa Sugbo, mogahin og pundo ang Kapitolyo nga i-sweldo sa mga dugang nga mga doktor ug health workers sa matag lungsod ug dakbayan ubos sa Probinsya sa Sugbo.
Kini ang gibutyag ni Cebu Governor Gwendolyn Garcia nonot sa nagsaka nga kaso sa Covid-19 sa lalawigan, ug pagsud sa Delta variant sa Sugbo, diin duna nay 32 ka mga Delta ug nadugangan pa ug upat ka mga kaso.
Labing daghan niini anaa sa Syudad sa Lapu-Lapu.
“Kini ug uban pang mga lakang ipatuman sa Probinsya sa Sugbo ug sa mga local government units ubos niini aron mapugngan ang pagkatap pa sa mga kaso sa coronavirus disease sa probinsya,” mensahi sa Kapitolyo.
Matod pa nga at worst, dunay lock down pinaagi sa purok system nga apektado.
Gitimbang timbang lang gihapon ug gi balanse sa gobernador ang aspeto sa ekonomiya.
Nakab-ot ang maong lakang atol sa virtual meeting tali ni Garcia ug mga gitambongan sa tanang mga Local Chief Executives sa kalungsoran ug dakbayan, kagahapon, Lunes, Agosto 9, 2021.
Niadtong Agosto 1, 2021, gipa ubos sa Modified Enhance Community Quarantine (MECQ) ang tulo ka mga highly urbanized cities hangtud kini sa Agosto 15, samtang ang lalawigan ubos sa General Community Quarantine with heightened restrictions. (Jhon Tadlip)
(News & photo courtesy of Gov. Gwen Garcia Facebook account)