Mao kini ang pagpaklaro sa opisyal sa Department of Trade and Industry (DTI) nga diin hugtanong namahayag sa pag implementar sa Nationwide Price Freeze ilabina dinhi sa dakbayan sa Surigao.
Matod pa ni Ms. Maria Lourdes A. Chua, Trade and Industry Development Specialist, adunay silot o multa nga mukantidad sa P5,000.00 ngadto na sa usa ka milyon ka pesos (P1,000,000.00) ug usa (1) ngadto na sa napuyo (10) katuig nga pagkabilanggo sa masakpan nga wala musubay sa Suggested Retail Price kon SRP sa tanang Basic Necessities susama na sa Canned Goods, Milk, Coffee, Laundry Soap, Bread, Noodles, Salt, Bottled Water, Candles lakip na usab ang presyo sa mga nagkadaiyang klase sa bugas sama sa Regular Milled Rice nga kantidad P40.00 ang kada kilo ug mukantidad usab sa P2,000.00 ang kada sako samtang sa Well-Milled Rice (WMR) aduna kini SRP nga P45.00 ang kada kilo ug kantidad P2,250.00 ang kada sako niini. Samtang ang Imported Rice nga adunay SRP nga kantidad P50.00 ang kada kilo ug kantidad P2,500.00 usab ang kada sako.
Samtang arun mapadali nga mapaabot ang sumbong kon report sa mga katawhan kabahin sa mga misupak sa balaod, ang gobyernong syudad ang mohimo ug Consumers Assistance Desk sa mga nagkadaiyang lokasyon dinhi sa dakbayan ilabina sa merkado publiko.
Giawhag usab ang katawhang Surigaonon sa pagsumbong o report kon ugaling adunay mga musuway paglapas sa maong balaudnon pinaagi na sa pagkuha ug picture gamit ang cellphone o mas maayo kung makapangayo ug resibo sa panahon nga mobayad sa taas nga kantidad. Pwede usab e-send sa Mico Surigao ang sumbong aron mapaabot sa mga hingtungdang ahensya o buhatan para sa igong aksyon. (Annette Villaces, City Government)
