Tiniyak ng Department Of Social Welfare and Development (DSWD) na buong matatanggap ng publiko ang cash subsidy assistance na inilaan ng pamahalaan.
Ito ang naging paglilinaw ni DSWD Sec. Rolando Bautista matapos na mapaulat na mababawasan na ang halagang matatanggap ng mga mamamayan dahil sa mga ipinamamahaging food packs ng DSWD, at ng lokal na pamahalaan.
Ayon kay Bautista, hindi mababawasan ang halagang matatanggap ng mamamayan kung saan aabot ito sa P5,000 hanggang P8,000.
Kaugnay nito, sinabi naman ng kalihim na minamadali na ng DSWD ang database para sa impormasyon ng mga residenteng makatatanggap ng nasabing tulong pinansiyal.