Iriga City — Naglalaom an DepEd na dai na magkakaigua nin problema sa pagpoon kan klase sa pampublikong eskuwelahan sa maabot na Lunes, Oct. 5, 2020.
Iyo ini an ipinahayag ni Dr. Bernadette Rivera, Schools Division Superintendent sa cuidad nin Iriga matapos na gibohon kasu-odma an virtual kickoff sa opening of classes na inatinderan mismo ni Dir. Dr. Gilbert sadsad kan Deparatamento de Edukasyon (DepEd).
Sigun sa pahayag ni rivera naka-andam na an DepEd – Iriga katuwang an local na gobierno tanganing dai madipisilan an mga estudyantes asin magurang sa blended learning na aadaptaron kan DepEd ngunian na panahon nin pandemya.
Kontento man si Director Sadsad sa ginibong sistema kan division of city schools kasabay kan pangapudan sa gabos na stake holders na suportaran an pag-aadal kan mga estudyantes mientras na yaon kita sa paglaban sa Covid-19. (OIC Melvin F. Barayoga, RPN DZKI Iriga)
(Source: DepEd – Iriga City)
