Aksidenting midasmag sa sementadong pader ang isa ka Gray Nissan Urvan type nga may plate no. ZAA 8099 kagabie sa may Borromeo St. Brgy. Washington, Surigao City sa alas 10:15 ang takna sa gabie.
Nakilay-an ang driver nga si QUENZEE ADAMS CASTRO RUAYA, 19 anyos, layaki, residente sa Nueva ext. Brgy. Taft, SC. Sakay usab ang isa ka 19 anyos nga babaje nga nakilay-an nga si ELIZA JUMALON, 19 anyos, residente sa P-3 brgy. San Juan, Surigao City.
Sa imbestigasyon ni PSSG Roland Japzon Jr. nasayran nga grabe ka paspas ang jagan sa van gikan sa pier area pasingod sa sentro nan siyudad. Pero pag-abot sa lugar nga diin nahitabo ang aksidente ang nawad-an nan kontrol ang driver sa gimanehong van rason nga naigo ang signage nga “no loading and unloading” deretso dusmog sa sementadong pader sa Winsher Marketing lakip ang poste sa street light.
Dugang pa sa imbestigasyon nga ang driver ubos ini sa impluwensiyang ilimnong makahubog. Guba ang atubangan sa van samtang ang driver lakip na ang pasahero ang grabe nahiagom nga mga samad sa nagkadaiyang parti sa ilang mga lawas. Tag daya sa hospital ang duha ka biktima para na sa pagpatambay. (Mark James Lisondra, Ronda 21 RPN DXKS)