Usa ka driver ang kabsan sa kinabuhi human aksidenteng na-atrasan ang gimaneho niining Bao-Bao niadtung Marso 16, 2024 sa may alas 4:00 kapin kun kulang sa hapon sa Purok Bahada, Barangay Dao, Pagadian City.
Matud pa sa inisyal nga taho gikan sa kapulisan, samtang gimaneho sa usa ka Benjie, 34 anyos, lalaki ug lumulupyo sa Purok 1, Brgy. Poblacion, Mutia, Zamboanga del Norte ang usa ka trailer truck gikan sa Dinas nga adunay kargang backhoe, kalit lamang kining niatras sa dapit hitabuan nga niresulta sa pagkapisat sa atubangang bahin sa nasangpit nga Bao-Bao ug naapil ang lain pang single motor.
Tungod sa kakusog sa impact, nahulog sa pang-pang ang Bao-Bao lakip na ang driver niini nga niresulta sa pagkaputol sa walang bukton sa biktima ug nakaangkon ug uban pang mga samad sa kalawasan.
Nahidangat karun sa Zamboanga del Sur Medical Center ang biktima apan nakabsan gilayon kini sa kinabuhi.
Nawad-an ug brake ang gitudlong hinungdan sa maong aksidente samtang ang driver sa trailer truck ang anaa karun sa Pagadian City Police station alang sa tukmang disposasyon. (Ernest Villariza)
