Nipagawas karon og kamandu-an si Cebu City Mayor Michael Rama na ang mga Tourist Police adto na ibutang sa Pier 1 sa dakbayan sa Sugbo aron mas daling makatabang sa mga turista na mangabot.
Ang mga Tourist Police kasamtangang gi destino kini didto sa sulod sa Plaza Sugbo atubangan na bahin sa Cebu City Hall.
Si Rama mularga ngadto sa Taiwan ugmang adlawa Marso 19, 2024 hangtod sa Marso 22, 2024 para sa panagtapok sa SMART Cities diin gusto niya na mahitabo kini sa dili pa siya mubalik sa Sugbo.
Gitataw sa Mayor na tumong niya na ibalhin ang mga TPU sa pantalanan kay daghan na nga mga turista ang mangabot ning panahuna.
Sa habig usab sa TPU naghangyo sila na mabutangan sila og partition sa maong lugar aron dili sila magsalo sa Women’s Desk Section sa Waterfront Police Station. (Renante Lada)
(Source: Cebu City PIO)