Gisugdan na sa Philippine Red Cross Butuan-Agusan del Norte ang COVID-19 RT-PCR Saliva Test sa may Robinsons Place Butuan.
Dunay mga signages nga nakabutang aron iguide ang aplikante padung sa extraction area. Drive-thru ang pamaagi aron malikay ang personal contact sa aplikante ug sa mga personahe. Pag-abot sa area hatagan kini og Specimen Tube aron didto iluwa ang laway. Sigurohon lamang sa aplikante nga anaa sa 1 ml ug walay discoloration ang isumiti nga laway ug maghuwat nalang dayon og email gikan sa Red Cross para sa resulta.
Aron maka avail sa RT-PCR Saliva Test mamahimong magpa book online pinaagi sa link nga nakabutang https://book.redcross.org.ph/…/robinsons-place-butuan…/. Two thousand pesos ang bayad ug ang mode of payment pinaagi sa G-cash o kaha debit. Paghuman og book
online ug nadawat na ang confirmation mo fill-up dayon sa e-CIF Form. Kini usa ka form kung asa ibutang sa aplikante ang personal nga mga impormasyon niini, iclick lamang ang link aron sa pag fill-up https://c19.redcross.org.ph/public-ecif.
Matag Martes ug Huwebes sa alas 8 sa buntag hangtud alas 11:50 sa buntag lang ang extraction samtang ang pagpa book online pwede usab sa gabie.
Mo dagan sa 72 ka oras adisir mo gawas ang resulta tungod ang specimen ibiyahe pa padung sa Surigao Del Norte Red Cross Molecular Laboratory aron didto himoun ang pagsala sa specimen.
Gipahinumdom sa mga buot magpa test nga dili mo kaon, inom, gargle, sigarilyo o vape sulod sa 30 minuto adisir magpa saliva test.
(Source: Butuan City PIO Facebook page)