Kainang alas 11 sa buntag Marso 17, 2021 gilusad sa Task Force Against Illegal Structures (TFAILS) an isa ka operation pagpatuman sa Executive Order No. 36 series of 2019 alang sa pagdili sa pagtukod ug mga istruktura sa mga lugar na gitawag ug “Foreshore/Easement and Danger Zone Areas” sa mga kabarangayan.
Ang pwersa gipangulohan ni City Administrator Atty. Jerry Centro kaiban an IMEG, DENR, Barangay Local Government Officials sa San Juan gipangulohan ni Kapitan Susan Galinea sanan kapulisan sa syudad.
Nasakpan sa may Purok 1-B, Brgy. San Juan, Surigao City an isa ka istruktura na sumala sa report sa kapulisan pinangulohan ni Lt. Col. Christian Rafols II na tagpanag-iya sa isa ka nagngalan nga Alan Tenio, waya sa nahisgotang dapit dihang ang task force mihimo’g pagsusi niini.
Tag-confiscate sa kapulisan an illegal na ginabas na kahoy na lain lain an sukod na may estimated volume na 3,000 board feet o mikantidad banabana nga anaa sa ₱ 20,000.
An mga nasakmit na mga kahoy an tagdaya sa opisina sa PENRO pipila ra ka metros an distansiya tabok sa kalsada an ila opisina. (RPN DXKS Surigao via Shela Salar)
