DOLE tuloy-tuloy ang monitor sa mga Pinoy sa Saudi Arabia

Patuloy ang ginagawang pagmomonitor ng Department of Labor and Employment (DOLE) sa mga Pilipino sa Saudi Arabia.

Ito ay matapos ang nangyaring drone attack sa oil facilities sa rehiyon noong nakaraang linggo.

Ayon kay Labor Secretary Silvestre Bello III wala pa rin silang natatanggap na report mula sa mga labor attache sa Jeddah, Riyadh at Dammam.

Aniya, sana raw ay hindi na talagang maapektuhan ang kalagayan ng mga Pilipino sa lugar.

Matatandaang noong nakaraang linggo ay pinasabog ang dalawa sa pinakamalaking oil facilities sa mundo sa pamamagitan ng drone attack.