DOJ hindi na tinutulan si De Lima na makita ang ina sa CamSur

Hindi na tinutulan ng Department of Justice (DOJ) ang kahilingan ni Senador Leila De Lima na makalabas ng kulungan para mabisita ang inang agaw buhay sa Iriga, Camarines Sur.

Sinabi ni Justice Secretary Menardo Guevarra na siya na mismo ang nag abiso sa state prosecutor for humanitarian reason na huwag nang tutulan pa ang nasabing kahilingan ng senadora.

Batay sa kaniyang mosyon sa Muntinlupa RTC  sa Agosto 15 nais mabisita ni De Lima ang 89 na taong gulang na inang may sakit.