Kalikagum ni Gov. Matthew Marcos Manotoc iti ad-adda a mapasayaat ti benneg iti komunikasyon ken kas iti paset pay ti kalikagumna a napinget a panagsagana dagiti umili ditoy probinsia nga Ilocos Norte kadagiti didigra wenno kalamidad a sumangbay babaen iti pinangidaulo na ti pannakaipabaro ti SMART INFOCAST ditoy probinsia.
Daytoy nga aktibidad ket tinamingan da PLDT Smart Luzon Consumer Business Customer Development Head John Palanca ken Molong Nivado agraman ni Mr. Jun Ang, Regional Distributor.
Kas panangibatad ni Miss Ma. Rhona Ysabel Daoang, officer in-charge ti Communications and Media Office, daytoy nga SMART INFOCAST ket adda kabaelanna nga mangipatulod iti ababa a mensahe a nakapalaon iti panagalerto dagiti grupo nga agus-usar ken daytoy. Kinunana pay a maysa daytoy a “web-based text message broadcast solution”.
Innayonna pay, a mabalin dagiti otorisado nga administrators iti mangipatulod ti mensahe kas kuma damdamag, weather forecast ken daddumapay a napapateg nga impormasyon ditoy probinsia kadagiti lehitimo a subscribers.
Mainaig iti daytoy mabalin pay nga agfeedback dagiti subscribers sadiay systems administrator. Kabayatanna, napagnunumoanda pay mainaig iti pannakaestablisar dagiti Google stations kadagiti strategic areas ditoy probinsia nga Ilocos Norte.17