Malampuson nga nakapasar ang Local Government Unit- Gutalac sa aplikasyon alang sa retention sa Drug-Cleared Barangay Certification sa mga Barangay Banganon, Salvador, San Isidro, Pitawe, ug La Libertad, ubos sa lig-on ug determinadong pagpangulohan ni Municipal Mayor Eddie Justin Quimbo.
Kini nga kalampusan nagpakita sa padayon ug tinud-anay nga paningkamot sa munisipyo sa pagmintinar sa luwas, himsog, ug drug-free nga komunidad alang sa tanang Gutalacnons.
Gipangunahan sa Philippine Drug Enforcement Agency Regional Office 9 (PDEA RO9) ang proseso sa deliberasyon nga nagpamatuod sa transparency ug kahugot sa evaluasyon. Pinaagi sa hugot nga koordinasyon ug panaghiusa, napamatud-an nga seryoso ug aktibo ang LGU Gutalac kauban ang mga Barangay Anti-Drugs and Abuse Councils (BADACs) sa pagpatuman sa mga programa batok sa ilegal nga droga.
Sa unang tulo ka tuig sa administrasyon ni Mayor Eddie Justin Quimbo isip Chairperson sa Municipal Anti-Drugs and Abuse Council (MADAC), mailhan ang Gutalac nga Highly Functional atol sa Anti-Drugs Audit. Kini usa ka klarong pamatuod sa iyang lig-on nga commitment sa paghatag og Excellent, Just, and Quality service alang sa tanang Gutalacnons.(IKEN B. GULLEM)
Source: LGU Gutalac -Public Information