Tingkagol karon sa prisohan ang usa ka Top 8 Most Wanted Person Municipal Level nga nag atubang sa kasong Statutory Rape atol sa gikasa nga operasyon sa mga personahe sa kapulisan mga alas 4:45 ang takna sa kahapunon niadtong Disyembre 23, 2025 didto sa Barangay Guinles, Polanco, Zamboanga del Norte.
Ang maong dinakpan naila nga usa ka 22 anyos nga lalaki, minyo, construction worker, ug residente sa nahisgutang lugar.
Ang pagkasikop gihimo pinaagi sa Tracker Team sa Polanco Municipal Police Station, pinasikad sa Warrant of Arrest alang sa upat ka ihap sa kasong Statutory Rape, nga gi-isyu ni Hon. Florendo Bolante Opay, Presiding Judge, Family Court, Ninth Judicial Region, Branch 4, Dapitan City, Zamboanga del Norte, nga gipetsahan Disyembre 23, 2025, nga walay piyansa nga girekomenda alang sa iyang temporaryong kagawasan.
Ang akusado gipahibalo sa hustong paagi sa iyang pagkadakop ug gipahibalo sa iyang mga katungod sa konstitusyon sa Miranda Doctrine ug ana-a na kini karon gidala sa Polanco Municipal Police Station alang sa hustong disposisyon.(MEDALYN U. BORJA)
Source: ZNPPO