- Advertisement -
Nakikiusap ang Department of Health (DOH) sa publiko na mahalin at respetuhin ang mga health workers sa bansa na nangunguna sa giyera kontra coronavirus disease 2019 (COVID-19)..
Ito ay matapos na makarating sa ahensya ang nangyaring pagkuyog at pag-saboy ng bleach sa isang nurse sa Sultan Kudarat.
Bukod dito, nakatanggap rin umano ang DOH ng mga ulat na hindi pagpapasakay, pagharang at pagmumulta sa ilang healthcare workers sa mga checkpoints sa takot na carrier ito ng COVID-19.
Tiniyak naman ng DOH na kanila itong iimbestigahan at papanagutin ang mga may kagagawan nito.
- Advertisement -