- Advertisement -
Tiniyak ni Senate Pres. Vicente ‘Tito’ Sotto III na magkakaroon ng isang interesanteng debate sa senado kaugnay sa usapin ng Divorce bill.
Ayon kay Sotto, isa ang panukalang divorce sa magiging usapin na maigi nilang bubusisiin at pag-uusapan.
Gayunman sinabi ni Sotto na tila mahihirapan pa rin itong makapasa kahit pa nadagdagan na ito ng suporta mula sa mataas na kapulungan sa katauhan ni Sen. Pia Cayetano.
Samantala, naniniwala rin si Sen. Cynthia Villar na hindi pa ito ang tamang panahon para makalusot ang naturang panukala.
Aniya, kailangan pa ng panahon para ikondisyon ang pag-iisip ng mga Pfilipino para tanggapin ang diborsyo sa bansa.
- Advertisement -
