Nahimong National Winner Awardee ang Local Government Unit sa Dapitan, pinaagi sa City Agriculture Office, nga gipangunahan ni City Agriculturist Cyril Patangan, diin ang nasangpit nga Award, nadawat atol sa gipahigayon nga paghandom sa Ika-39th National Coconut Week, didto sa Westin Manila, niadtong nakalabay’ng adlaw Setyembre 02, 2025.
Gidawat mismo ni Alexandra Judith P. Meily, isip konsihal sa dakbayan sa Dapitan, maingon man, ni City Agriculturist Cyril Patangan, ang nasangpit nga Award isip National Winner of the Coconut Industry Sustainable (COINS) Awards, sa BAYANIyugan Outstanding LGU Category, lakip na niini ang kantidad nga mokabat ngadto sa Php150,000.00 isip Cash Prize ug ang Plaque of Appreciation.
Ang nasangpit nga pasidungog, nagsilbing usa ka testamento sa kakugi sa mga mag-uuma sa Lubi, ug ang paningkamot sa mga nagpalambo sa agrikultura, maingon man, ang kusog nga Liderato ni Mayor Evelyn T. Uy, uban sa nagkahiusa nga team sa LGU Dapitan. Nga matud pa niini, Padayon ta sa Bayanihan sa Agrikultura alang sa mas maayong kinabuhi sa atong mga mag-uuma sa Dapitan, ning Probinsiya sa Zamboanga Del Norte.(Julius Esmade)