Gipangunahan sa City Administartor sa dakbayan sa Dapitan, pinaagi ni Danilo S. Areños Jr, ang gipahigayon nga Consultative Meeting sa Dapitan City Water District (DapCWD), didto mismo sa buhatan ni Mayor Evelyn T. Uy, sa Dapitan City Government Center, niadtong nakalabay’ng adlaw, Setyembre 02, 2025.
Matud pa, nga ang nasangpit nga Consultative Meeting, gilangkuban sa mga nanguna sa matag buhatan sa Lgu Dapitan, lakip na niini ang pipila ka mga imbitadong personalidad sa Dapitan City Water District, nga gipangunahan ni GM Alemarlou Dagpin, diin gituki sa maong higayon ang kabahin sa naka alarma nga gidak-on sa balayronon sa Tubig, nga maoy nahimong konsumo sa Lgu Dapitan.
Nakab-ot nga sulosyon sa naasoy nga panagkatigum, nga mopahigayon ang mga personahe sa Dapitan City Water District og Leak Detection Tests, maingon man ang pag-implementar og Temporary Disconnections sa Suplay sa Tubig sa matag buhatan, gumikan sa Unexplained Water Vonsumption, diin mao kini ang nakitang pamaagi aron makunhoran ang balayronon niini, sa konsumo sa tubig sa matag bulan.
Dugang pa niini, matud pa, nga ang City Government sa Dapitan, nagsingkamot nga ang kwarta sa mga magbubuhis sa nasangpit nga dakbayan, magamit sa insaktong paggamit, aron kini mapuslan sa mga Dapitanon.(Julius Esmade)
Source: CITY GOVERNMENT OF DAPITAN